أطلالة صباحية ..

[ندعوك للتسجيل في المنتدى أو التعريف بنفسك لمعاينة هذا الرابط]

بسم الله اصبحنا واصبح الملك لله ..

صباحكم زين ومليان خير يا اهل بلادي ، من ارض الغربة بهديكم تحايا وفي جواي ليكم شوق كبير وعريض .

كل ما يطل علينا صباح تزداد جوانا لوعة الشوق لان الصباح هنا غير صباحكم .. صباحكم زين صباح ملايان بالحنان والتحنان صباح الام صباح الاخت والاخ والخاله والعمة صباح تزغزغ عصافيرو ونسمات الصباح تشرح الصدر وما احلا قعدة الشاي في ضل الصباح ودعوات الوالدة في صفاها وطهر نقاها .

ولما تطل الشارع تسالم جارك وعمك خالك صباح الخير يا خالتو عشة عمر طلع ولا لسه نائم ، فلان صباح الخير وتمر مره من تالي الشارع عانية الجزارة او الدكان هوووي كيفنكم وكيف اصبحتو طيبن يا فلانة ، اهلي طيبين ومتضامنين فوق الحلوة والمره قلوبهم صافية ما بتعرف الغيبة قلوب مليانة طيبة .

لكم خالص تحياتي واحترامي ...

دي اطلاله خفيفة يا ريت كل واحد يسرد ولو جزء بسيط من طيبة اهل الحي ..

دكتور عثمان فقدناك وين حاجاتك الحلوة ما شفنا جديدك يا لو تعيد الكره من تاني